142. 1591. rujan 7. Gradec KAZ, ACA fasc. 27, nr. 11/8. Izvornik. Reverendi domini et patres nobis colendissimi, officiorum nostrorum deditissimorum commendationem.

Isti miseri Kralioczenses petiverunt a nobis licentiam discedendi domum, ex quo quum septem septimanis adfuerint praesidio et vigiliis provinciae nostrae. Quam licentiam nos illis denegavimus, sed eosdem ad reverendas dominationes vestras petitum direximus. Excrevit quidem Colapis sed iterum decrescet; possent dimitti ad septimanam unam. Sciscienses nequaquam detineri poterunt quia excurrant pro piscibus. Urgent gravissime ut dimittantur. Per nos non dimittentur, nisi eis reverendae dominationes vestre gratiam hanc fecerint quam non merentur; attamen certe clam et nocte quaquam hinc descenderet etiamsi millies puniantur, quomodo fame pereunt. Hrustan vojwoda est expeditus pro suppetiis petendis ad Portam. Alia nova nulla, praeterquam quod dominus praelatus per Marchiakonem sollicitat pro tribus barbatis mutuo ad Hergovich, quas si deberemus dare, nos informent et valerent felicissime.

Ex Gradecz quem mille laboratores non destruent, nisi pulvere destruatur, in vigilia Nativitatis beatissimae Virginis hora 9. antemeridiana. Vestrarum reverendarum dominationum servitores, spani Sciscienses. A tergo: Reverendis dominis capitulo ecclesiae Zagrabiensis etc., dominis et patronis colendissimis.