Croatiae auctores Latini: inventa |
domum | qui sumus | textus | auxilia | tolle, lege! | |
Mladinić, Sebastijan (c. 1561 - c. 1621) [1590], Vita beati Ioannis episcopi Traguriensis, versio electronica (), Verborum 4659, versus 746, Ed. Mladen Ivanišević [genre: poesis - epica; poesis - epigramma; poesis - ode; prosa - epistula - praefatio] [word count] [mladinicsvita].
IN DIVUM IOANNEM EPISCOPUM TRAGURIENSEM OB CUSTODITAM CIVITATEM
Ode dimetrum iambum
Sebastianus Mladineus
Invicte Preses Caelitum Hos, Christe, coetus aspice, Qui vota, laeti, debita Laudesque solvunt Presuli: 5 Cura perenni moenibus His pręsidenti, creditis; Nec non tuenti; quolibet Versentur in discrimine. Deo vocatus Romula 10 Ex urbe, canis sensibus, Aetate quamvis lubrica Curam Traguri suscipit. Pastoris ergo munere Hic functus est fideliter, 15 Multo refertus Numine; Verbo potens et moribus. Sub veste molli debile, Setoso arabat sacculo, Corpus, frequenter vepribus 20 Super cubabat asperis. 56r Frugalitate praeditus Multa, cibum Torumque concessit suum. 25 Orans trahebat integras Persępe noctes castaque Aut membra mergens frigidum In aequor, aut flagris petens. At signa multis edita 30 Locis, piam testantia Vitam, quis unquam dimetris Exponeret mortalium? Paucis racemis grandia Replevit, orans, dolia 35 Undante musto, saxea Cum grando vites lęserat. Sicum solvens Tragurio Gressu pererrat aequora Mersus, ratemque et omnia 40 Armis Iadram Paeonum, Exemit, atque maximo Casu, quod ictu Funde retudit machinam. 45 Et sanctus illum spiritus Palumbis in vestigio, Sacris vacantem, devol Caput supra testatus est. Casum Traguri et Civium 50 Captivitatem, fataque, Sub morte, vates quali Prędixit, et secuta Artus reclusi marmore, Morbo levant 55 Aegros, iniquo et Obsessa curant corpora. Nonnulla post volumina Solis, repertus laurea Humo replevit myrrheo 60 Odore, fragrans, moenia Redit per auras brachium, At Aede Marci, plurimo Fulgore vibrans, Adhęsit atque pristino. 65 Sexcenta sed miracula Vetusta dent recentibus Locum: fugat nam Flagella nunc Tragurio Famem nefandam, pestis et 70 Tabem, et furores In regna vertit Persica Suis et auget ocium. Deo perennes Optimo Grates agamus cernui, Tali quod urbem Tragurii dignatus est.
Mladinić, Sebastijan (c. 1561 - c. 1621) [1590], Vita beati Ioannis episcopi Traguriensis, versio electronica (), Verborum 4659, versus 746, Ed. Mladen Ivanišević [genre: poesis - epica; poesis - epigramma; poesis - ode; prosa - epistula - praefatio] [word count] [mladinicsvita]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.