IN DIVUM IOANNEM EPISCOPUM TRAGURIENSEM OB CUSTODITAM CIVITATEM Ode dimetrum iambum Sebastianus Mladineus
Invicte Preses Caelitum
Hos, Christe, coetus aspice,
Qui vota, laeti, debita
Laudesque solvunt Presuli:
5 Cura perenni moenibus
His pręsidenti, creditis;
Nec non tuenti; quolibet
Versentur in discrimine.
Deo vocatus Romula
10 Ex urbe, canis sensibus,
Aetate quamvis lubrica
Curam Traguri suscipit.
Pastoris ergo munere
Hic functus est fideliter,
15 Multo refertus Numine;
Verbo potens et moribus.
Sub veste molli debile,
Setoso arabat sacculo,
Corpus, frequenter vepribus
20 Super cubabat asperis. 56r
Frugalitate praeditus
Multa, cibum penuriae
Dedit Pater, pauperum,
Torumque concessit suum.
25 Orans trahebat integras
Persępe noctes castaque
Aut membra mergens frigidum
In aequor, aut flagris petens.
At signa multis edita
30 Locis, piam testantia
Vitam, quis unquam dimetris
Exponeret mortalium?
Paucis racemis grandia
Replevit, orans, dolia
35 Undante musto, saxea
Cum grando vites lęserat.
Sicum solvens Tragurio
Gressu pererrat aequora
Mersus, ratemque et omnia
40 Hillis ruina sustulit.
Armis Iadram Paeonum,
Exemit, atque maximo
Casu, quod ictu bellicę
Funde retudit machinam.
45 Et sanctus illum spiritus
Palumbis in vestigio,
Sacris vacantem, devol
Caput supra testatus est.
Casum Traguri et Civium
50 Captivitatem, fataque,
Sub morte, vates quali
Prędixit, et secuta sunt.
Artus reclusi marmore,
Morbo levant multiplici
55 Aegros, iniquo et Daemone
Obsessa curant corpora.
Nonnulla post volumina
Solis, repertus laurea
Humo replevit myrrheo
60 Odore, fragrans, moenia
Redit per auras brachium,
At Aede Marci, plurimo
Fulgore vibrans, corpori
Adhęsit atque pristino.
65 Sexcenta sed miracula
Vetusta dent recentibus
Locum: fugat nam pessima
Flagella nunc Tragurio
Famem nefandam, pestis et
70 Tabem, et furores Martios
In regna vertit Persica
Suis et auget ocium.
Deo perennes Optimo
Grates agamus cernui,
Tali quod urbem Praeside
Tragurii dignatus est.

-- 21 --