Ad Balbum.
Hoccine Balbe tibi cessurum impune putasti?
Ut mihi pollicitus munera, verba dares.
Non ita, namque meos revocabo liber Iambos,
Et faciam, ut noris, quid gravis ira potest.
A miser, et digito monstrabere, et insuper urbi
Fabula, quid vero fabula? risus eris.
Non secus armatus videtur Fimbrius, aut qui
Cursitat in laxa pharmacopola toga.
Ecce Iovem lapidem iuras te vina daturum.
Credidero, fiam si prius ipse lapis.