Petri Gozzi Stagnensis Episcopi Epitaphium
Hic situs est ille, qui scripsit opuscula mille.
Et fuit in Stagno praesul moderamine magno.
Vir rara doctrina, et de meliore farina.
Nomen erat Petro prose, et memorabile metro.
At domus illustris longinquis Gozzia lustris.
Septuaginta annos habuit sensus bene sanos.
Postea dormivit in pace, funus obivit
Ragusianorum sacer ordo Praedicatorum,
Et posuit pulchrum sublimi in parte sepulchrum.
Quisquis ades, sospes sic longum vixeris hospes,
Dic requiescat amen per omnia saecula flamen.