EIVSDEM IN SVAM PATRIAM ENCOMIASTICON.
Quae iacet Illyricis Elaphite nobilis undis
Insula, Racusio subditur imperio.
Gignit parua viros, melius queis gurgite vasto
Nulla per aequoreum gens trabe currit iter.
Hic nemus Hesperidum, sunt hic Peneia Tempe;
Sunt fontis latices, Naiadesque Deae
Neptunus fert sceptra, Venus Cytherea videtur
Post habuisse Gnidon, postque habuisse Cypron.
I nunc, qui blateras, in nos mendacia scribe;
Dentes ni cesses experiere meos.