Dumanić, Marko; Bernardi, Jerolim (1628-1701; oko 1688-1773) [1701], Synopsis virorum illustrium Spalatensium, versio electronica (), verborum 6745, versus 158, Ed. Bratislav Lučin [genre: prosa oratio - historia litteraria; prosa oratio - catalogus virorum] [word count] [dumanicmsynopsis].
Nicolaus de Albertis Spalatensis ab adolescentia liberalibus artibus instructus praestantissimum ingenium ad poesim Latinam contulit, in qua admodum excellens inventus est. Scripsit non parum multa carmina lingua Latina, quorum aliqua, quae sunt apud me, saepius perlegi ob eorum venustatem.
Marci Maruli:
Quae mihi misisti, juvenum doctissime, scripta,
Haec admiranti saepius ore lego,
Ingeniique tui mecum nova liba rependens
Musarum et Phoebi censeo digna Laris,
Non quia tu nostram tollis super astra Camoenam, 5
Incultis solitam stridere arundinibus,
Sed quia vix puber jam proximus ire videris
Vatibus antiquis Pierioque choro.
Ergo iter incoeptum, quaeso, ne desere donec
Aonii superes culmina summa jugi. 10
O quam magna tibi succedet gloria cum te
Aetas nostra simul posteriorque leget!
Dumanić, Marko; Bernardi, Jerolim (1628-1701; oko 1688-1773) [1701], Synopsis virorum illustrium Spalatensium, versio electronica (), verborum 6745, versus 158, Ed. Bratislav Lučin [genre: prosa oratio - historia litteraria; prosa oratio - catalogus virorum] [word count] [dumanicmsynopsis].
|