Croatiae auctores Latini: inventa  
   domum |  qui sumus |  textus |  auxilia |  tolle, lege! |   
Matijašević Karamaneo, Antun (1658-1721) [1712], Carmen ad v. c. Iacobum Candidum, versio electronica (), 351 versus, verborum 2196, Ed. W. H. Allison H. C. Schnur [genre: poesis - carmen] [word count] [matiasevcaramancarmen].
Previous paragraph



Deinde volaturum nota sibi provida funi
Aptavit ratione virum, qua pendulus apte
A celsis plateae ferretur ad ima columnis.
Qualem fama canit Minoae Daedalon Idae,
Ceratas corpus cum libravisset in alas,
Prosiluisse iugo mediasque subinde per auras
Non breve praecipiti spatium fecisse volatu,
Talis inaccessa vir hic haerens pectore funi
Vexillumque tenensV. 325 corr. ex tendens dextra, quod saepe rotabat,
Ceu sic magnanimum vellet plausisse CAPELLUM,
Est in praelongam delapsus ab arce plateam.
Hunc et amicorum iam pronius ima petentem 268
Sustinuit numerosa cohors et culcitra multa
In terrae disposta solo, ne mole ruentis
Corporis actus humi validos offenderet artus
Ad lapides palosve duos aut ossibus oris
Discussis moriens tabo foedaret arenas.

Haec tibi, qui digno cognomine diceris aeque
CANDIDUS ac hominum frustrari pectore mentes
Indocili doctoque bonas insigniter artes,
Inscripsi Latiis expressa, IACOBE, Camoenis,
Ad tua consuetis olim divertere tecta,
Magnarum comitis virtutum conscia laudis.
Istud eo curva lusi testudine carmen,
Hoc ut longinquis velut experrectus in oris
Et perspectarum monitus tot imagine rerum
Nequaquam veteres obliviscare sodales,
Qui descripta supra tecum conspeximus una
Facta geri, fuit unde frequens sua cuique voluptas.
Altera. sed potior, fuit id mihi causa canendi,
Ut mea nimirum vetus observantia nota
In rerum queat esse caput, cui versibus idem
Absenti defertur honor, quem grandibus illi
Plenius obsequiis coram tribuisse solebam.
Hisque tuum nugis munus patiare rependi. FINIS.
Previous paragraph

Matijašević Karamaneo, Antun (1658-1721) [1712], Carmen ad v. c. Iacobum Candidum, versio electronica (), 351 versus, verborum 2196, Ed. W. H. Allison H. C. Schnur [genre: poesis - carmen] [word count] [matiasevcaramancarmen].
Powered by PhiloLogic

Creative Commons License
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom
Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.