| Croatiae auctores Latini: inventa |
| domum | qui sumus | textus | auxilia | tolle, lege! | |
Stay, Benedikt (1714-1801) [1747], Philosophiae versibus traditae libri sex, versio electronica (), 11229 versus, verborum 82047, Ed. Neven Jovanović [genre: poesis - epica; poesis - didactica] [word count] [staybphilos].
Si libet, hinc poteris, gravitas quae certa liquorum, Scrutari: si namque pilo suspendis equino Auri aut argenti pondo, atque immergis in undas, Ponderis amissi ratio tibi denotat undae [Sed quae mole pari est] gravitatem : ita nempe valebis Securos fontem Purus qui ante alios longeque levissimus extet. Tum quoque consimili solidarum pondera rerum Deprendi ratione queunt: tamen ante necesse est Hoc teneas, solidi quod major corporis auctus Majorem amittat partem gravitatis in undis, Sustentatur enim majori a mole liquoris. Quapropter, geminum si corpus ponderis aequi, Non aequae sed molis, in undas mergere tentes, Argentum velut atque aurum, plus ponderis illud, Est opus, amittat, minus hoc; quia scilicet illi Major inest moles, minor auro: proinde fatendum est, Quod tantum argenti gravitas vincatur ab auro, Amissum liquidis illius pondus in undis Id quantum exsuperat, quod in isdem perdidit aurum. Sic opus ex auro fictum explorare queamus, Nempe insinceri subsit tum siqua metalli Suspicio; ut Siculi Regis vulgata Corona est, Cum Vir ob inventum tam magnum balnea linquens Extra prosiluit subito, nudusque cucurrit Exultans veluti lymphaticus, atque potenti Percussus mentem thyrso; tam mira reperto Scilicet a Vero venerunt gaudia menti.
Stay, Benedikt (1714-1801) [1747], Philosophiae versibus traditae libri sex, versio electronica (), 11229 versus, verborum 82047, Ed. Neven Jovanović [genre: poesis - epica; poesis - didactica] [word count] [staybphilos]. |
|||||
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.