Škrlec Lomnički, Nikola (1729-1799) [1749], Operum omnium tomus I, versio electronica (), Verborum 68552, Ed. Neven Jovanović [genre: prosa oratio - dialogus] [word count] [skrl1].
Non licet in proprio etiam fundo tale opus collocare, quod in detrimentum
vicini cedat; quanto minus ergo talia opera in praejudicium
publici admitti possunt. Verum hactenus is usus viguit, ut proprietarii
absque praevia investigatione qualiacunque opera etiam in navigabilibus
fluviis ponere potuerint: quodsi tamen ejusmodi opus navigationi obstare compertum est,
illud auctoritate publica demoliebatur. Jam vero expedit ut investigatio
potius praecedat, et si opus navigationi obstare eveniat, illud impediatur, quam ut
proprietarii notabilibus saepe sumtibus inutiliter profundendis ultro exponantur; exigua
enim, quam manipulatio haec causabit, molestia in minus eorum praejudicium verget, quam
periculum graves saepe sumtus perdendi; si proprietarius facultatem ponendi operis a prima
instantia sibi minus juste negatam existimabit, poterit remedium jam stabilitae duplicis
revisionis experiri.
Škrlec Lomnički, Nikola (1729-1799) [1749], Operum omnium tomus I, versio electronica (), Verborum 68552, Ed. Neven Jovanović [genre: prosa oratio - dialogus] [word count] [skrl1].
|