Škrlec Lomnički, Nikola (1729-1799) [1749], Operum omnium tomus I, versio electronica (), Verborum 68552, Ed. Neven Jovanović [genre: prosa oratio - dialogus] [word count] [skrl1].
Vel per funestum aliquod bellum, pestem, aut aliud simile flagellum, circulantis pecuniae
massa ita diminuetur, ut quisque paratam tantum pecuniam, velut in 1416 arduis
ejusmodi circumstantiis praesentaneis necessitatibus magis accommodam anhelet, adeoque omnes
omnino schedae hae redimi debeant. Et tunc non poterunt quidem illae parato exsolvi, sed
proprietarii per activas cassae obligatorias excontentari debebunt. Verum in
communi ejusmodi calamitate eadem sors omnes etiam privatos creditores
manebit; nam ne hi quidem a debitoribus suis paratam habere poterunt solutionem, adeoque
proprietarii schedarum harum nihilo deteriorem subibunt conditionem, quam si pecunias has
privato alicui credidissent. Interea cum extraordinaria ejusmodi calamitas, benignitate
Numinis, nonnisi raro et per longiora intervalla evenire soleat, cassa totam illam summam,
pro qua hactenus schedas erogavit, lucri faciet.
Škrlec Lomnički, Nikola (1729-1799) [1749], Operum omnium tomus I, versio electronica (), Verborum 68552, Ed. Neven Jovanović [genre: prosa oratio - dialogus] [word count] [skrl1].
|