ARGUMENTA SINGULORUM LIBRORUM SINGULIS VERSIBUS AB INTERPRETE COMPREHENSA.
I. Iratus bello sociali absistit Achilles.
II. Falsa Mycenaeum ludunt insomnia regem.
B. Quo duce, qui populi, quotnam venere carinis.
III. Ergo Helenae soli pugnant Paris et Menelaus.
IV. Confundit foedus Pallas, pugna aspera surgit.
V. Tydides Venerem, dehinc Martem vulnerat hasta.
VI. Urbem adit, Andromachen affatur Martius Hector.
VII. Stant acies: medii confligunt Hector, et Ajax.
VIII. Jupiter Argivos premit: Hector laude superbit.
IX. Peliden orant reges, nec flectere possunt.
X. Tydides socio Troas speculatur Ulysse.
XI. Pugna, ubi primores Danaum sunt vulnere laes i.
XII. Grajorum ad murum pugnant: intro irruit Hector.
XIII. Neptunus Danais vires clam fratre ministrat.
XIV. Illicit, et somno componit Juno Tonantem.
XV. Jupiter evigilat; fratrem fugat, Hectora firmat.
XVI. Patroclum leto victorem dejicit Hector.
XVII. Ingens Patrocli ad gelidum fit pugna cadaver.
XVIII. Arma parat solers dio Vulcanus Achilli.
XIX. Desinit irarum, belloque armatur Achilles.
XX. Divi inter sese magno certamine pugnant.
XXI. Aeacidae labor ad Xantum, pugnaeque deorum.
XXII. Hectora persequitur, caesoque insultat Achilles.
XXIII. Patrocli funus,vario et certamine ludi.
XXIV. Redditur Hectoreum corpus, fletumque crematur.