Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
f
-- RA1-PA42 --
Oceani spatia emensus procul egit in almam
Tirynthum, Orthoque exstincto atque Eurytione
Turpibus in stabulis trans vasti gurgitis oras.
335 Ipsa aliud peperit portentum informe, neque ulli
Aut hominum simile, aut divum supera alta tenentum:
Rupe sub excisa, divinam robore Echidnam
Indomito; pulcram medio quae corpore nympham
Spectandamque nigris oculis referebat; at acrem
340 Parte alia horrendumque voracemque atraque guttis
Sanguineis foede maculosum terga colubrum.
Illa specu in vasta curvo sub montis hiatu
Longe hominum pariterque deorum a sede remota
Incolere obscuras terrarum est iussa latebras,
345 Fata ubi signavere domum. sic nympha sub ima
Terra habitans Arimos iuxta metuenda latebat
Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
|
