Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
74, Tum quoque siderei etc. Iupiter, uti
omnibus notum, habitus est summus caelorum rex; sed idem, quum homo antea fuisset,
ut multa de eo nobis ab antiquitate tradita persuadent, Thessaliae imperavit.
Quare Olympus Thessaliae mons ab aliis poetis, et ab Hesiodo praesertim, pro ipso
saepe caelo accipitur, et vice versa caelum pro Olympo monte, foeda quadam rerum
nominumque confusione, qua id manifeste constat solum, nihil certi antiquos
Theogoniarum scriptores habuisse, sed hac illac parum sibi consentientes
errasse.
-- RA1-PA11 --
Ridebat concussum. alta sed rector in arce
Ille sedet, dirumque tonans et fulmina quassans
80 Ignea, Saturno iam vi genitore subacto,
Singula rite regit, dis et partitur honorem.
Tali voce canunt Musae supera alta tenentes,
A magno genitore novem Iove germina nata,
Clioque, Euterpeque, Thaliaque, Melpomeneque,
85 Terpsichoreque, Eratoque, Polymniaque, Uranieque,
Calliopeque alias inter praestantior omnes,
Magnanimos quae pone duces comitatur ovantes.
Quem nam cumque Iovis gnatae dignantur honore,
Aspiciuntque ultro venientem in luminis oras
90 Regnaturum olim, linguam illi nectare dulci
Suave rigant, ut verba fluant manantia melle.
Attonitae hunc gentes late admirantur, et unum
Suspiciunt, quoties populis dat iura vocatis
Concilio in magno. nulla formidine captus
95 Ipse serens ius atque pium profatur, et acres
Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
|