Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
394 Pithoque, Admeteque etc. Haec
omnia nympharum nomina diversis fontibus praesidentium, aut saltem pleraque,
facta sunt ab Hesiodo aliisque «,7ia
rav imaujjfictivovrcov rouq 7rnycug, inquit Iohan. Diaconus. Apud
eumdem tolerabilem ferme singulorum invenies explicationem.
-- RA1-PA52 --
Crisieque, Asieque, Calypsoque ore renidens,
405 Eudoreque, Tycheque, atque Amphiro, Ocyroeque,
Et Styx, praestanti cunctas quae vincit honore.
Tethyos Oceanique haec creta e sanguine turba
Maxima gnatarum: non haec tamen omnis origo;
Multae aliae superant natae. tria millia namque
410 Foecundo e thalamo pedibus citae Oceanines
Prodierunt, late quae vastas undique terras,
Quaeque lacus habitant magnos, pulcherrima proles.
Sunt alii totidem labentes murmure rauco,
Oceano quos Tethys in auras protulit, amnes;
415 Quorum difficile est percurrere nomina vatem
Mortalem: novere tamen, quae litora circum
Finitimae posuere domos ac moenia gentes.
Interea Solem magnum, Lunamque nitentem,
Auroramque, iubar quae fert mortalibus almum,
420 Omnibus et pariter superis, Hyperione mixta
Hesiodus; Zamanja, Bernard (1735-1820) [1785], Hesiodi Ascraei opera, versio electronica (), 2747 versus, verborum 58425 [genre: poesis - versio; poesis - epica; poesis - elegia; poesis - carmen; prosa - epistula; prosa - commentarius] [word count] [zamagnabhesiod].
|
