Škrlec Lomnički, Nikola (1729-1799) [1791], Quindecim epistulae ad Martinum Georgium Kovachich, editio electronica (), Verborum 12898, epistulae 15, Ed. Neven Jovanović [genre: prosa oratio - epistula] [word count] [skrlepistkov].
Dissertationem meam de variis Nobilitandi Modis, quaeso te, ne
edas, dum tibi aliam, nempe de variis, quae olim in Hungaria
viguerunt, Hominum Conditionibus, submittam; prior enim multas
notitias iam supponit, quae in posteriori continentur, adeoque haec illi
praemitti debet. Si mihi superi vitam et sanitatem tribuerint, futuro vere
illam habebis; nunc enim aliis distineor, tu autem habes alia sat multa,
quae interea edere possis, modo negligens, ut scribis, praelum vel his
interea sufficiat.
Škrlec Lomnički, Nikola (1729-1799) [1791], Quindecim epistulae ad Martinum Georgium Kovachich, editio electronica (), Verborum 12898, epistulae 15, Ed. Neven Jovanović [genre: prosa oratio - epistula] [word count] [skrlepistkov].
|
