Škrlec Lomnički, Nikola (1729-1799) [1791], Quindecim epistulae ad Martinum Georgium Kovachich, editio electronica (), Verborum 12898, epistulae 15, Ed. Neven Jovanović [genre: prosa oratio - epistula] [word count] [skrlepistkov].
Opusculum de Statu Ecclesiastico etiam percepi. Verum illud non
eam, quam Lucubratio de subsidiis publicis, mihi attentionem
excitavit, neque utrumque eiusdem authoris opus esse scivi. Quod
pecunias exercituales adtinet, non esset opus totum
monetae obiectum ad vivum resecare. Sufficeret si author
colligeret ea e legibus et diplomatibus quae ad resolvendas, quas sibi quoad
reliqua subsidiorum obiecta posuit, quaestiones pertinent, nimirum: quando
originem acceperint? quid? et per quos hoc titulo depensum? quorsum
conversum fuerit? etc. Si defectu authoritatum nec has quaestiones resolvere
potest, quaeso te fac exscribi clausulas illas, si quae in ineditis tuis
diplomatibus aut aliis instrumentis hac de re continentur, et mihi submitte.
Forte ego aliquam obiecto huic lucem affundam.
Škrlec Lomnički, Nikola (1729-1799) [1791], Quindecim epistulae ad Martinum Georgium Kovachich, editio electronica (), Verborum 12898, epistulae 15, Ed. Neven Jovanović [genre: prosa oratio - epistula] [word count] [skrlepistkov].
|