Škrlec Lomnički, Nikola (1729-1799) [1791], Quindecim epistulae ad Martinum Georgium Kovachich, editio electronica (), Verborum 12898, epistulae 15, Ed. Neven Jovanović [genre: prosa oratio - epistula] [word count] [skrlepistkov].
Quod reliqua decreta adtinet; vides iam ipse quantum temporis molis huius
purizatio et notarum ad concernentes articulos insertio extraxisset. Itaque
lucubrationem hanc tibi in maculari submitto. Sunt ibi quidem diversae
correcturae, et claves. Hae tamen scriptorem, si requisitam adhibeat
attentionem non confundent. Commendo tamen tibi peculiarem
vel hoc nomine in comportando diligentiam. Cum hic textus decretorum in alio
et notae in alio corpore sint, ut nota textui misceatur, facile quidem
evenire non potest. Verum eo facilius evenire posset ut nota aliqua articulo
non suo subiiciatur, praesertim cum complures articuli nullam habeant notam.
Id autem totum opus depravaret. Quare te maiorem in modum rogo ut in notis
inserendis ad numerum articuli, ad quem singula nota provocat,
diligentissime advertas, et si forte in ipsam hanc provocationem error
calami irrepsisset, e sensu ipso colligas ad quem articulum nota talis
pertineat.
Škrlec Lomnički, Nikola (1729-1799) [1791], Quindecim epistulae ad Martinum Georgium Kovachich, editio electronica (), Verborum 12898, epistulae 15, Ed. Neven Jovanović [genre: prosa oratio - epistula] [word count] [skrlepistkov].
|