Škrlec Lomnički, Nikola (1729-1799) [1791], Status actualis oeconomiae publicae, versio electronica (), Verborum 39967, Ed. Neven Jovanović [genre: prosa oratio - tractatus] [word count] [skerlenstatus].
Et hi sunt Capitales Navigationis Hungaricae canales, per quos non exigua
Commercii pars procedit. Circa eorum regulationem multa quidem iam adusque
frustratim acta; alicubi adiacentium Paludum exsiccatio, ante regulationem
ipsius fluvii praepostere suscepta, nullum tamen hactenus Generale et
Systematicum regulandorum in mutuo nexu fluviorum horum Planum elaboratum
fuit. Ut hoc stabiliri possit, Generalis et Systematicae fluviorum horum
mappae elaboratio Anno primum 1785. decernebatur; praescripta fuit omnibus
in illa operaturis Comitatensibus Geometriis Conformis instructio, eademque
Scala: in Singulo vero in quot eotum Hungaria divisa fuit Districtu unus
Geometra Dirigens maiori tantisper Salario provisus, qui reliquos in opere
manuducat, Constitutus fuit: Verum hoc quoque opus partim Bellum Turcicum,
partim subsecuta temporum mutatio intercepit. Magnam tamen eius partem per
subsequum quod Turcicum Bellum praecessit, biennium peractum esse vix
dubitare licet, quae si Labor hic reassummatur non exiguum ad celerriorem
eius perfectionem momentum adferre possit.
Škrlec Lomnički, Nikola (1729-1799) [1791], Status actualis oeconomiae publicae, versio electronica (), Verborum 39967, Ed. Neven Jovanović [genre: prosa oratio - tractatus] [word count] [skerlenstatus].
|