Škrlec Lomnički, Nikola (1729-1799) [1791], Status actualis oeconomiae publicae, versio electronica (), Verborum 39967, Ed. Neven Jovanović [genre: prosa oratio - tractatus] [word count] [skerlenstatus].
Eadem est exoticarum Septentrionalium mercium ratio. Cum enim
directa earum importatio usque 1784. per Vectigal impedita fuerit, Hungarici
etiam primarii Quaestores merces has, e Secunda Quaestoris Germani manu ita
accipere insveverunt, ut usus hic hodiedum perduret. Orientales etiam et
meridionales, quas uno nomine maritimas appellare solemus
merces, licet Pesthiensis Mercator eas Flumine per Carlostadium e
prima manu Leviori habere possit, quam Tergesto per Pettovium,
tamen horum plerique posteriori hac via, adeoque iterum e Secunda Quaestoris
Germani manu accipere solent, imo quod pro Commerciali paradoxo haberi
deberet, nisi ratio eius in promptu foret, sunt qui ipsas has merces Vienna,
quorsum utique Tergesto venire debent accipere malunt, nimirum quia illas a
Viennensi Mercatore erga Creditum habere possunt.
Škrlec Lomnički, Nikola (1729-1799) [1791], Status actualis oeconomiae publicae, versio electronica (), Verborum 39967, Ed. Neven Jovanović [genre: prosa oratio - tractatus] [word count] [skerlenstatus].
|