Baričević, Adam Alojzije (1756-1806) [1793], Epistulae XVI invicem scriptae, versio electronica (), Verborum 7902, Ed. Luka Vukušić [genre: prosa oratio - epistula] [word count] [baricevaaepistpenzel].
Nactus tandem sum primum volumen Bibliotheca Slavica, quam
Durichius Vindobonae edidit. De quo doctissimo opere, quod tu
dubio procul, iam diu vidisti, nihil tibi ulterius scribendim esse putavi.
Pergunt Vindobonenses bene de re litteraria mereri. Ut enim de immenso illo
stupendoque eruditionis opere Eckheliano sileam, quo omnem
numismaticam, vasto ausu, cui et ille modo par erat, complectitur, edidit
nuperrime Alterus, indefessae diligentiae vir Phranzae historiam,
cujus hactenus versionem modo Latinam habebamus, sed proh dolor, prorsus in usum
Graecorum, ita ut paucissima ejus exempla in tabernas librariorum nostrorum
pervenierit. Liber baro Locella dedit comptissimam Xenophontis
Ephesini editionem, cujus lectione bonas horas nunc fallor.
Michaeler, quem hactenus solummodo indagatorem prisci Teutonici
sermonis noveram, ingentem librum De Situ Paradisi foras dedit,
quem nondum videre licuit, quem tamen aveo evolvere, quia omne studium Biblicum
praesertim vero sacra geographia summis mihi in deliciis est. Sed cur ego
noctuas Athenis? Tibi enim, procul dubio omnia haec iam diu innotuere.
Baričević, Adam Alojzije (1756-1806) [1793], Epistulae XVI invicem scriptae, versio electronica (), Verborum 7902, Ed. Luka Vukušić [genre: prosa oratio - epistula] [word count] [baricevaaepistpenzel].
|