Croatiae auctores Latini: inventa |
domum | qui sumus | textus | auxilia | tolle, lege! | |
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab].
Pastor, et Agna. Pariebat Agna, morbidamque ut edidit Prolem sub auras, triste miseritus malum Pastor remediis allevabat, nescius Novis quot esset impetenda casibus. Depulsa morbi vis ut aliquantum fuit, Ad prata duxit, pasta molli ut gramine Pecus juventae robore invalesceret. Sero adpetente vespere cum aliis domum Una redibat ovibus; at subsistere, Mox claudicare cum misellam cerneret, Sustulit in humeros, asperamque comperit Spinam cruenta perforasse cuspide Pedem illi: ut hocce pastor extraxit malum, Herbisque fovit alligato vulnere, In laeta rursus compellebat pascua. Dum gramen illic carpit effraenatius, Nec ruminare curat, effervescere Usque adeo sanguis, totam ut operuerint cutem Sanie fluentes glutinosa pustulae. Contagiosa ne pecus reliquum lues Inficeret, aegram separavit, sulphure Aliisque curans pharmacis; morbo hoc quoque Cum liberasset, caetero adjunxit gregi. At gemini arietes dum invicem pugnam serunt, Horum alter ictus tardiorem evadere Diro inter costas sauciavit vulnere. Ad triste factum Pastor, heu! cur calamitas Tibi, inquit, uni semper omnis advenit? Miser perenne sortis est ludibrium.
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.