Croatiae auctores Latini: inventa |
domum | qui sumus | textus | auxilia | tolle, lege! | |
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab].
XXIII.
Quae quis agit, sibimetipsi agit. Homo adagia loquens. Praeclara quidam per monita nomen sibi In civitate compararat inclytum, Interque multos hunc adivit praepotens Vir olim, ab illo libera sibi quodpiam Locutione adagium cupiens dari. Hoc ille prae aliis expedire homini ratus, Quaecumque, dixit, quis facit, facit sibi. Vulgare id alter censuit dictum nimis, Sibique in alios quot patrasset conscius Mala, haud videbat, illa quo pacto sibi Fecisset ipsi, damna sentientibus Dumtaxat aliis: verum inaudiri ut sua Coepere primum, mox evinci crimina, In se, innocentes quam luebant, transtulit Poenam, sibique cuncta demum comperit Fecisse, in alios quae patrata credidit. Plerumque cadere solent in auctorem mala.
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.