Croatiae auctores Latini: inventa |
domum | qui sumus | textus | auxilia | tolle, lege! | |
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab].
XXVIII.
Ex hac pelle in aliam immigrare nequeo. Asinus, et Bombyx. Mori virentis lentus in ramusculo Dum fila Bombyx evomebat aurea, Sibi ut pararet arte sic mira domum, Paulisper opere supersedens obverterat Ad Asinum ocellos alligatum stipiti. Squallebat illi putri tergus ulcere, Saniemque denso convolabant agmine Haurire muscae; pars haerebant mordicus Ventri: ut fugaret, se feribat calcibus, Mordebat ore; mollioris carpere Tensus vetabat funis herbam graminis, Puerique saxis adpetebant per jocum. Bombyx Aselli tanta miseritus mala Sic illi: in ista pelle, quae te operit modo, Plane intueri ut potui, es infelix nimis: Statim ergo (credes id licere Auritulo) Depone, quaeso, jamque corpus indue, In quo calamitosam exigas vitam minus. Tum voce moesta sic Asellus: ne tuo, Amice dulcis, metiare me pede: Tibi aequiore namque sorte contigit, Modo fila vermis divite ex utero ut trahas, Modo ut renascens papilio percandidus Numerosa prole nobile aeternes genus: Pelle at manendum semper in eadem est mihi, Et dura verti fata me in melius vetant. Acerba quosdam sors tot aerumnis premit, Futuri ut ipsam his adimat etiam spem boni.
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.