Croatiae auctores Latini: inventa |
domum | qui sumus | textus | auxilia | tolle, lege! | |
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab].
XXIII.
Centum leves sarcinae Asinum peremere. Asinus, et Agaso. Quae per lutosam vexerat Asellus viam Postquam onera dorso detrahi sensit suo, Brevi exilibat gaudio, non praevidens, Quam sarcinarum durus in reditu sibi Herus vehendam jam parasset copiam. Primum ipse, in usus apta quae domesticos Haud pauca posuit; plurimi dehinc plurima Dant transvehenda, justius ut onus foret Dorso Cameli: pyrium amico hic pulverem, Plumbumque; sponsae mittit ille calceos, Umbraculumque rusticanti; tum cliens Pernas patrono, martiosque caseos. Alii alia, rebus donec hic centum est gravis, Centumque Agaso litteris plenus sinum. Progressa paucos bellua ad passus erat, Iniquiori cum dejecta pondere Procubuit: ille brachiis levat solo. Quam melius, oneris parte si dempta, suis Tulisset humeris! Namque rursum Auritulus, Iterumque multis vicibus in terram cadit. Levabat ille, nil tamen de sarcina Ademit unquam: corruentem hinc ultimo Dum sublevare nititur, miserum videt Immani Asellum jam perisse ramice. Curae et minores saepe vel fortem virum Stravere, quoties nullus his fuerat modus.
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.