| Croatiae auctores Latini: inventa |
| domum | qui sumus | textus | auxilia | tolle, lege! | |
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab].
Rusticus pro cicere depugnans. Post sparsum in agro rusticus cicer suo Superis ferebat vota pro eventu bono, Cum turba volucrum convolavit plurima Esura semen: ille lapidibus rapax Avium impudentum strenue ejecit genus; Quamque interemit, longae confixit sudi, Atroci ut aliae territae spectaculo Locum refugerent; poena nil movit tamen. Redeunt: abigere rursus ille, et plumbeis Plerasque globulis enecare: id saepius Illi peractum, donec omne prodiit Cicer virenti vestiens segete solum. Hanc inter herbae cum videret noxium Immiscuisse se genus, quam sedula Evulsit opera: cuncta spondebant bene. Repente at aliud imminere tristus Malum, irruente gramen in adultum Capro. Ne noceat, hirtis ambit agrum sepibus. Arente tandem flava folliculo seges, Ut stringeretur, devocabat rusticum. Cum nocte media fur in agrum irrepere Per septa: id ille, forte quem maturius Somnus reliquit, sentiens, improvidum Oppressit, artus quercea elidens sude, Legitque tandem, saepe pro quo fortiter Multo opposuerat se hosti, ut illuxit, cicer. Vigilem te oportet esse, rem ut serves tuam.
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab]. |
|||||
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.