Croatiae auctores Latini: inventa |
domum | qui sumus | textus | auxilia | tolle, lege! | |
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab].
VII.
Nullam hyemem Lupus voravit. Lupus in hyemem saeviens. Cum crederetur esse hyems in exitu, Placidoque veri jam locum concedere, Saevire rursus coepit acri frigore, Late rigenti cuncta constringens gelu. Armenta, grexque ne perirent laniger, Stabant in tepidis abditi praesepibus. Lupus ubi muta cuncta solitudine Horrere sensit, irritamque spem sibi Praedae esse, diris devovebat omnibus Hyemem, et scelesta stulte in algentes notos Verba elocutus, destruendae concipit Consilium hyemis, et virium ratus sibi Sat esse, ut hostem vinceret, rabie furens Duris acutum dentibus frangit gelu, Avideque mandit imminutum, cogitans Hoc si abstulisset, desiturum protinus Brumae rigorem, quo vetari, ut herbida Oves adirent pabula, animadverterat. Prius sed ipse provocati frigoris Vi liquit animam, quam posuit hyemis rigor. Natura quidquid destinat mortalibus, Quamvis dilatum tempore adveniet suo.
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.