Croatiae auctores Latini: inventa |
domum | qui sumus | textus | auxilia | tolle, lege! | |
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab].
VIII.
opravitegl ghdjeje Oso. Omne negotium ab Asino gestum improsperos successus habet. Asinus ad Lupos legatus. Oves ut aevum degerent tranquillius, Legationem destinabant ad Lupos Mittere, ut amico convenirent foedere; Asinumque placida sentientes indole Id oneris detulere, amplissimam Negotiandi largientes copiam. Simul hos adivit, quo veniret nomine Exposuit; utque viriliter ovium sibi Causa acta, senior sic lupus coepit loqui: Nautra paleas ut tibi in cibum dedit, Sic vesci ovilla carne nos voluit: ea Utrisque lex est dicta: si volunt tamen Quae te oratorem mittunt ad nostrum genus, Venire ad aequa pacta non gravabimur, Parcetur ovibus; unaquaeque at singulos Nobis in annos mater unum e foetibus Donabit. Ille existimans id perleve Damnum, libenter ivit in sententiam, Pollicitus ovium nomine id donarium. Redux ad illas cum referret, qua sibi Pax lege facta, puchra pax mehercule! Tunc una dixit, qua nec ipsum plus queat Nocere bellum: non, stolide, nostrum hac genus Eradicandum pactione intelligis? Quo gessit ovium res Asellus exitu, Mandes si inepto, res geret eodem hic tuas.
Ferić Gvozdenica, Đuro (1739–1820) [1794], Fabulae, versio electronica (), 2266 versus, verborum 52873, Ed. Sanja Perić Gavrančić [genre: poesis - fabula] [word count] [fericdfab]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.