636. [635.] [ERROR: no reftable :]Vide in idem argumentum aliud epigr. sub n.o 942. Radelja De Cinna et Tucca diversa via pessum ruentibus.
Vix quidquam in vita est, quod credat Cinna licere,
Vix quidquam est, quod non Tucca licere putet.
Quemnam horum laudem, quaeris? Detestor utrumque,
Humani geminam perniciem generis.
Alter enim laeva miseros, dextra abripit alter
Infernum donec merserit in barathrum.
Felix, qui Scyllam vitat, vitatque Charybdim,
Ac tutum medio tramite findit iter!