Croatiae auctores Latini: inventa |
domum | qui sumus | textus | auxilia | tolle, lege! | |
Kunić, Rajmund (1719-1794) [1794], Ex Graeco Homeri Hymnus ad Cererem, versio electronica (), 567 versus, verborum 3992, Ed. Irena Bratičević [genre: poesis - hymnus; versio] [word count] [kunicrhymnuscererem].
Ex Graeco Homeri. Hymnus ad Cererem.
Flavam ego nunc Cererem, Numen cantare verendum Incipio; Cereremque una gnatamque decoras Tento agilem ad choreas talo, quam Rector Averni Sublatam rapuit, fratri et concessit habendam, Late oculis rerum qui nil non Altitonans; gremio carae digressa Parentis Formosas inter dum luderet Purpureos carpens flores, violamque rosamque Atque crocum prato in viridi, pulchroque comantem Flore irim et passim pingentes arva hyacinthos, 10 Narcissum ante alios. Plutoni blanda placere Dum studet, hunc Tellus vacuam submisit in aurem Formosae fraudem Nymphae; tam fronde vigenti Luxurians Divumque oculos oculosque Virorum Adspectu attonuit miro; nam cespite ab imo 15 Ingentem fudit sylvam: caelumque superne, Terra infra et pontus jucundo risit odore. Delicium illa sibi mirans properabat utraque Tam pulchrum carpsisse manu, discessit hiatu Ampla ibi quum tellus vasto Niseïa, sacris 20 Unde ruens bijugis venit Saturnius, aureo Invitam et curru imposuit, rapuitque puellam; Invitam et miseror rumpentem pectore questus. Magno quippe Jovem Non Divum aut hominum; non quae Invisit servatque, terit quas area, fruges. Tantum Hecate nitidis frontem circumdata villis, Perseis Hecate, mitis Dea, multa dolentem Audiit ex antro, natusque Illa Jovem frustra clamabat. Jupiter omni Digressus Divum coetu sua visere templa Gaudebat votisque coli sacrisque virorum. Ergo inopem auxilii, facili Jove, furvus agebat Sublatam patruus nigri moderator Averni 35 Inclytus, umbrarum rex exceptorque Curru instans, urgens bijugos et morte carentes. Ac dum Nympha solum terrae latique videbat Stelliferos coeli tractus piscosaque ponti Aequora et auratum Solis jubar, omnis abacta 40 Spes nec erat matremque suam superumque videre Haec aliqua luctu magnam dulcedine mentem, Interea rupesque cavae et juga celsa sonabant Aequorei et tractus longe clamantis acutum 45 Voce deae: moestae late diffusa querelae Maternas etiam vox tandem contigit aures. Quae subito mentem attonitam perfixa dolore Exululat vittasque manu laniavit utraque Ambrosii sacras capitis, vestem Atram humeris, passim et quaerit terraque marique Ceu volucris prolem vesano concita cursu. Non dii, non homines quaerenti pandere vera, Non ullae cantu aut penna potuere volantes. Luces illa novem terras dea magna per omnes 55 Erravit, geminas nocturna in lumina taedas Praeportans; non ambrosiam, non nectaris unquam Gustavit succos maerenti corde, nec unquam Lux decima ut claro tandem se se extulit ortu, 60 Flammam Hecate manibus quatiens divae obvia venit, Ac tristi maestam compellans voce locuta est: "Diva ferens almas maturo tempore fruges Late augens cultas praestanti numine terras, Quis divum, vel quis mortali e gente virorum 65 Persephonem adducens rapuit miseraeque parenti Tristia vesano complevit pectora luctu? Vocem equidem raptae audivi; quis raptor abegit Clamantem, haud equidem vidi, sed nuncia facti Vera tibi huc veni". Quae postquam talia fata est, 70 Illa nihil contra dejecto et Antetulit gressum: Perseis pone Clarum ambae ad Solem veniunt, hominumque deumque Ex alto qui facta pater videt omnia coelo. Hunc prope constiterunt fulgentes luce corusca 75 Ad bijuges maestoque Ceres haec voce "Sol, tibi vel facto vel dicto tempore in ullo Si placui,
Kunić, Rajmund (1719-1794) [1794], Ex Graeco Homeri Hymnus ad Cererem, versio electronica (), 567 versus, verborum 3992, Ed. Irena Bratičević [genre: poesis - hymnus; versio] [word count] [kunicrhymnuscererem]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.