| Croatiae auctores Latini: inventa |
| domum | qui sumus | textus | auxilia | tolle, lege! | |
Ferić Gvozdenica, Đuro (1739–1820) [1803], Periegesis orae Rhacusanae, versio electronica (, Dubrovnik), 3368 versus, verborum 28363 [genre: poesis - epica; poesis - praefatio; prosa - index] [word count] [fericdperiegesis].
Membraque candenti lino madida aequoris imbre Siccat, et undantes per lactea colla capillos, Indutaque suo (juvenis servabat) amictu In tecta adducens tulit oscula mille, vicemque Mille per alternam retulit, protractaque multas Gaudia per noctes felix successus alebat. At longo arridet nulli quae tempore, laetis Fortuna invidit rebus. Sum tenderet olim Conspecto ad scopulum Mara lumine, multa per aequor Se fundens caligo vetabat cernere cymbam. Nam tractu hoc homines demittere lina parantes, Dum piscis genus esse putant, videre puellam, Accensaeque facis signo ut Tendere detectum, fratres monuere natantis. Hi quamquam poterat via lenior esse abolendo Dedecori, genus heu! lethi per triste necarunt. Horum unus fusco inscendens nam vespere cymbam Secretò Vitae instare, petit recipi: hîc dum ille moratur, Clam fratres se ferre alii, remisque phaselum Contra tecta movent juvenis, tum lumen in alta Ponitur antenna, natat haec, rata lumen amicum Esse sui Hinc sensim removent, ut in altum jam mare ducta Infelix germana foret, quae, lumen ut illi Abstulerunt, omni jam deficiente salutis Spe sibi, perpetuoque etiam quia lassa cadebant Brachia motu, ut fracta ratis, demersa profundo est. Et jam fama volans passim spargebat, ab oris Disperiisse Ecce Degit ubi Haecne illa infelix illa est Mara, sola voluptas Quae fuit, atque anima longè mihi O mihi quis ferrum pius afferat? haud ego post te, Qua sine dulce nihil, lux o mea, vivere curo. Haec ubi conquestus, dextraque cadaver ab undis Traxit, utraque ulna amplexans in tecta ferebat. Hîc ubi deposuit, se in corpus lumine cassum Projecit, multo Terque quaterque suo compellans nomine frustra. Talibus exactis, subiit pia cura sepulcri, Et dextra clausis oculis, atque ore corollam Pallidula pariter textam violaque, rosaque Imposuit capiti, dein suprema oscula jungens Condidit, et multae tumulo contexit arenae. * Olim erat exactum hîc Carmen, nunc longius exit. Quam mihi Visam esse hîc Quidam qui se se per longas ordine Ad se deductas affinem ostenderat esse Illius, cui structa, viri, hanc divendere vellet Ut Commune sibi obtinuit: vix emerat, ecce Diruit, exaequatque solo. Furor istane suasit? Haud verò: id sapiens fecit, nam vendita lucrum Allatura sibi saxa haud mediocre putabat, Sic quod nec
Ferić Gvozdenica, Đuro (1739–1820) [1803], Periegesis orae Rhacusanae, versio electronica (, Dubrovnik), 3368 versus, verborum 28363 [genre: poesis - epica; poesis - praefatio; prosa - index] [word count] [fericdperiegesis]. |
|||||
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.