Sobota, Ivan (mortuus 1467) [1453], Johannes Sobote Clarissimo P. M. S. P. D., versio electronica (, Trogir), Verborum 134, Ed. Luka Jelić Franjo Rački [genre: prosa oratio - epistula] [word count] [sobotaiepist14530520].
Ex Alobrogibus domum salvum te venisse magna laetitia affectus sum. Novi
excellens ingenium tuum et magnarum rerum cupidissimum; si quod priscarum
illustrium litterarum vel vetustatis insigne vestigium nactus es, rogo facito me
participem, ut extent tuae perpetuae in me benevolentiae signum et monimenta
amoris. — Si Cesarem et Philippicas ad me mittes, mihi pergratum facies. Recte
fidei Thome, iustis de causis mihi amantissimo, cesarem committere potes; qui
iterum tua opera Galliam petere coactus est, Dalmatum ipsum aliquando esse
sinito. Patricio Karolo Mauroceno meis verbis dicito: collectis viribus omnibus
dabo operam, ut pecunia sua quam celerrime exigatur; magnitudine aegritudinis
meae factum est, ut haec exactio in hunc usque diem differatur.
Sobota, Ivan (mortuus 1467) [1453], Johannes Sobote Clarissimo P. M. S. P. D., versio electronica (, Trogir), Verborum 134, Ed. Luka Jelić Franjo Rački [genre: prosa oratio - epistula] [word count] [sobotaiepist14530520].
|