Nikola Modruški (c. 1427-1480) [1465], De consolatione liber, versio electronica (, Italija), Verborum 79291, Ed. Neven Jovanović [genre: prosa oratio - tractatus] [word count] [modrncons].
Demum his eisdem de quibus loquebamur, si res postulabit, spem
sumendae uindictae iniciemus de his, a quibus iniuriam acceperunt, quandoquidem ob
fastum animi ingenio illorum apprime congruat ipsosque summopere delectet.
Extremi uero uidelicet melancholici et natura truces aut duriores
uariarum uoluptatum pollicitatione oblectationeque demulcendi sunt et aliis
iocundioribus cogitationibus releuandi. De quibus omnibus et aliis
plerisque, cum ad medelas aegritudinis ueniemus, latius disputabimus; nunc ista
congrua singulis generibus sigillatim assignasse sufficiat.
Nikola Modruški (c. 1427-1480) [1465], De consolatione liber, versio electronica (, Italija), Verborum 79291, Ed. Neven Jovanović [genre: prosa oratio - tractatus] [word count] [modrncons].
|