Nikola Modruški (c. 1427-1480) [1465], De consolatione liber, versio electronica (, Italija), Verborum 79291, Ed. Neven Jovanović [genre: prosa oratio - tractatus] [word count] [modrncons].
Omninoque omnes clari nobilitatique labores contemptu fiunt etiam tolerabiles.
Videmusne ut apud quos eorum ludorum, qui gymnici nominantur, magnus honos sit,
nullum ab his, qui in id certamen descendant, deuitari dolorem. Apud quos autem
uenandi et equitandi laus uiget, qui hanc petescunt, nullum fugiunt dolorem. Quid
de nostris ambitionibus, quid de cupiditate honorum loquar; quae flamma est per
quam non cucurrerint hi qui haec olim punctis singulis colligebant? Itaque semper
Africanus Socraticum Xenophontem in manibus habebat, cuius imprimis laudabat illud
quod diceret eosdem labores non esse aeque graues imperatori et militi, quod ipse
honos laborem leuiorem faceret imperatori. [1]
Nikola Modruški (c. 1427-1480) [1465], De consolatione liber, versio electronica (, Italija), Verborum 79291, Ed. Neven Jovanović [genre: prosa oratio - tractatus] [word count] [modrncons].
|