Nikola Modruški (c. 1427-1480) [1465], De consolatione liber, versio electronica (, Italija), Verborum 79291, Ed. Neven Jovanović [genre: prosa oratio - tractatus] [word count] [modrncons].
Minuitur autem malum non tantum ex his solis, uerum uniuersaliter ex
contrariis rationibus cunctorum illorum quibus augetur bonum. Sunt
autem quae deterrere bonum consueuerunt; ista, ut summatim dicamus, si sit paruum,
si non perpetuum, si cito abiturum, si non est pulchrum, si non est honestum uel
iustum, si non multum proficuum, si non libet factum aut praestitum, si
imprudenter uel ignoranter datum. Licet haec, ut etiam aliqua alia, et
iniuriam minuant, ut puta quando eam nolens aut inscius quispiam intulit.
Amplius extenuatur pretium boni si non sit a bono auctore administratum
sed ab ignauo aut indigno; si non diligitur aut magni fit ab aliis et praecipue
bonis; si non spectat ad probos; si non bene ordinatum aut concinne positum; si
non debito tempore exhibitum nec oportuno loco impensum, nec nostri sed alterius
gratia.
Nikola Modruški (c. 1427-1480) [1465], De consolatione liber, versio electronica (, Italija), Verborum 79291, Ed. Neven Jovanović [genre: prosa oratio - tractatus] [word count] [modrncons].
|