CIPPICVS AD LECTOREM.
Quem petis, ὦ lector studiose, Terentius hic est,
Gloria Romani Cecropiique salis,
Cuius Melpomene, si fas est dicere, sacro
Ore locuta dea est, ore locuta dea est.
Hic tamen ad Latias mendosus uenerat aures
Iamque parum, recte quod legeretur, erat
Sed Raphael uitio succurrit Regius isti,
Nec piguit tanti ferre laboris onus.
Quodcunque exedit carie longaeua uetustas,
Addidit et totum rite poliuit opus. Τέλος.