Croatiae auctores Latini: inventa |
domum | qui sumus | textus | auxilia | tolle, lege! | |
Adam Parižanin (floruit 1059) [1059], Tres hymni perantiqui de Laudibus S. Domnii, versio electronica (, Split), 394 versus, verborum 4195, Ed. Neven Jovanović [genre: poesis - hymnus] [word count] [adamushymnidomnii].
Hymnus
Exaltent alii saxa minacia Turrita, et Spalati moenia nobilis, Templum mirificum, magnificas domos, Priscam gentis originem. Tollant ast alii Caesaris impii Hostis Christiadum culta palatia, Robur, divitias, marmora, et imperi Fasces, stemmata, gloriam, Nos splendore alio fulgere cernimus Claram urbem Spalati, dum tenet infulam Primae Metropolis, gaudet et optimo Patrono sibi Domnio, Splendescit melius nomine Domnii, Nec non sarcophago, quod Cineres sacros Claudit, quam Scythicis plena lapillulis Si passim jubar ederet. Longe nobilior Praesule Domnio, Quam cunctis Ducibus, tutior insuper; Felix o Spalatum sub Duce Domnio Hinc fulget tua gloria, Supremo Domino Coelitum Patri Sit laus, qui celebri nos decorat viro. Huic grates hilari pectore fundimus. Huic sit laus sine termino. Amen.
Adam Parižanin (floruit 1059) [1059], Tres hymni perantiqui de Laudibus S. Domnii, versio electronica (, Split), 394 versus, verborum 4195, Ed. Neven Jovanović [genre: poesis - hymnus] [word count] [adamushymnidomnii]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Podatke o projektu vidi na www.ffzg.hr.
Za uporabe koje prelaze okvire ove licence obratite se na http://www.ffzg.unizg.hr/klafil/dokuwiki/doku.php/z:digitalizacija-hrvatskih-latinista.