Šižgorić, Juraj; Marulić, Marko; Mihetić, Ambroz; Tideo Acciarini; Andrea Banda di Verona; Hilarion di Vicenza; Raffaele Zovenzoni; Giliberto Grineo (c. 1445-1509?; 1450-1524; c. 1420-post 1487) [1477], Elegiarum et carminum libri tres, versio electronica (), 1585 versus, verborum 10077, Ed. Veljko Gortan [genre: poesis - carmen; poesis - elegia] [word count] [sisgorgeleg].
Noctes atque dies patet atri ianua Ditis,
Sed revocare gradum superasque evadere ad auras,
Hic labor, hoc opus est. Pauci, quos equus amavit
Iuppiter aut ardens evexit ad aethera virtus,
Diis geniti potuere,
inter quos te connumero, suavissime Georgi, quem crinitus Apollo cythara donavit,
qua nedum umbras Tartareas, sed etiam tricipitem Cerberum delinire ac demulcere
potuisses, neque ut Orpheus, si tibi recuperanda fuisset, dimisisses Euridicem.
Macte virtute, pro quo insuper et iura pontificia intercessere, quibus te frustra
insudasse videretur, si tam inmaturo tempore decessisses. Neque postremo amicorum
vota tibi defuere, qui te sanum ac incolumem fore vehementer optavere. Inter quos et
eum poteris ponere, cuius nomen tuis chartis voluisti inserere. Et cum a me exigeres
bidentem, non gravabor offerre pro tua sospitate nec vitulum aut magnam et pinguem
iuvencam.
Šižgorić, Juraj; Marulić, Marko; Mihetić, Ambroz; Tideo Acciarini; Andrea Banda di Verona; Hilarion di Vicenza; Raffaele Zovenzoni; Giliberto Grineo (c. 1445-1509?; 1450-1524; c. 1420-post 1487) [1477], Elegiarum et carminum libri tres, versio electronica (), 1585 versus, verborum 10077, Ed. Veljko Gortan [genre: poesis - carmen; poesis - elegia] [word count] [sisgorgeleg].
|
