Gloria humana. Tu autem, cum oleaster esses, insertus es in 1 illis etc. Noli gloriari aduersus ramos, noli altum sapere, sed time XI. AD CORINTHIOS I: Qui gloriatur, in Domino glorietur I. Nemo glorietur in hominibus. Omnia enim uestra sunt, uos autem Christi, Christus autem Dei III. AD CORINTHIOS II: Nos autem non in immensum gloriabimur, sed secundum mensuram regulę, qua mensus est nobis Deus etc. Qui autem gloriatur, in Domino glorietur. Non enim qui se ipsum commendat, ille probatus est, sed quem Deus commendat Christus. Quoniam multi gloriantur secundum carnem, et ego gloriabor XI. Si gloriari oportet, non expedit quidem, scilicet quando non est necesse. Pro huiusmodi[ERROR: no link :], scilicet reuelationibus, gloriabor; pro me autem nihil nisi in infirmitatibus meis. Et ne magnitudo reuelationum extollat me, datus est mihi stimulus carnis meę etc. XII. AD GALATAS: Non efficiamur inanis glorię, cupidi inuicem, prouocantes, inuicem inuidentes V. Mihi autem absit gloriari, nisi in cruce Domini nostri Iesu Christi, per quem mihi mundus crucifixus est, et ego mundo VI.