MARCVS

ludicium Dei. Signa pręcessura diem Iudicii. Multi uenient in nomine meo et multos seducent. Exurget gens contra gentem. Erunt terremotus per loca et fames. Initium dolorum hęc. In omnes gentes prędicabitur Euangelium. Erunt enim dies illi tribulationis tales, quales non fuerunt ab initio creaturę neque fient. Et nisi breuiasset Dominus dies, non fuisset salua omnis caro, sed propter ellectos etc. Exurgent pseudoprophetę et pseudochristi.

-- KK2-70 --

Sol contenebrabitur, et luna non dabit splendorem suum. Stellę cęli erunt decidentes. Virtutes cęli mouebuntur. Filius hominis ueniet in nubibus cum uirtute multa et gloria congregabit electos XIII. De die illo nemo scit XIII. Videbitis Filium hominis sedentem a dextris uirtutis Dei et uenientem cum nubibus cęli XIIII.

Hypocrita. Qui deuorant domos uiduarum sub obtentu prolixę orationis, hi accipient prolixius iudicium XII. Dat Iudas osculum cum ueneno doli. Sic Chayn obtulit sacrificium subdolum et reprobatum XIIII.

Iustitia neminem inhibet ab opere bono. Ideo Dominus pręcipit, ne prohibeant illum qui nomine ipsius inuocato eiiciebat demonia, licet non sequeretur ipsum IX. Date quę sunt Cęsaris Cęsari et quę Dei, Deo XII.

Inuidia diaboli mors intrauit in orbem terrarum contra ipsum I. Tradito Ioanne recessit Iesus in Galilea. Docet in persecutionibus non expectare, sed cum inciderimus, manere I. De Domino dicunt: In furorem uersus est, et Belzebub habet III. Ventus et mare persecutores sunt IIII. Iesum uocant fabrum et fabri filium VI. Quęrunt Dominum perdere, quoniam turba admiratur super doctrina eius. Tentantes interrogant: In qua potestate hęc facis II. Quęrunt eum capere in uerbo

XII. Confutati sermonibus iam non audent interrogare, sed apertissime comprehensum tradunt potestati. Ex quo intelligimus uenena inuidię posse quidem superari, sed difficile conquiescere XII. Tradent uos in conciliis, uapulabitis, eritis odio omnibus propter nomen meum XIII.

Infernus. Gehenna, ignis inextinguibilis, ubi uermis eorum non moritur et ignis non extinguitur IX.

Ignorantia. Non debemus ignorantibus grauiter irasci, sed eorum ignorantię compati. Sicut non irascitur Dominus discipulis quęrentibus, quis poterit turbam satiare, cum paulo ante ab eodem satiatam uidissent, sed adhuc rudes erant VIII.

Inualidis et infirmis non est imponendum onus graue, sicut assumentum panni rudis uestimento ueteri aut uinum nouum utribus uetustis II. Spiritus quidem promptus est, caro uero infirma XIIII.

-- KK2-71 --

Iudei. Ficus arida a radicibus. Synagoga a Chayn et a cęteris, a quibus omnis sanguis iustus ab Abel usque ad Zachariam requiritur XI. Agricolę, quibus locata erat uinea, seruos Domini sui ceciderunt, filium occiderunt. Sed ueniet Dominus et perdet colonos, et uineam locabit aliis. Mulier sterilis non relinquens semen ex septem fratribus, nouissime moriens, est synagoga relicta a Spiritu septiformi XII. Recedente Domino de templo non remanet lapis super lapidem, id est negantibus Christum nihil proderunt Lex et prophetę XIII. Caiphas scidit uestimenta, sacerdotium Iudeorum disperiit. Christi tunica mansit integra. Ipse enim factus est sacerdos in ęternum secundum ordinem Melchisedech XIIII.