Marulić, Marko (1450-1524) [1480], Repertorium, versio electronica (), Verborum 315700, Ed. Branimir Glavičić [genre: prosa oratio - loci communes] [word count] [marulmarrepert].
Petitio.
Ora in abscondito, non sicut hypocritę. Intra in cubiculum, id est in cordis intentionem.
Clauso ostio, id est non admittendo cogitationes uanas. Orantes autem nolite multum loqui, id
est sine orandi affectu uerba fundere sicut ethnici. Sic orabitis: Pater noster etc. VI.
Petite, quęrite, pulsate. Quis, si petierit filius panem uel piscem, dabit ei lapidem uel
serpentem? Lucas addit: ouum et scorpionem. Sunt autem caritas, fides, spes, odium, perfidia,
desperatio VII. Iesus dimissa turba ascendit in montem solus orare XIIII. Hic populus labiis
me honorat, cor autem eorum longe est a me. Channanea docet nos perseueranter orare. Rogant
pro ea discipuli, ut scias necessarias esse sanctorum preces pro nobis ad impetrandum XV. Hoc
genus non eiicitur nisi per orationem et ieiunium XVII. Omne debitum dimisi tibi, quoniam
rogasti me. Procidens enim orasse dicitur XVIII. Omnia quęcunque petieritis in oratione
credentes, accipietis XXI. Veh uobis qui comeditis domos uiduarum orationes longas orantes
XXIII. Orate, ut non fiat fuga uestra hyeme uel sabbato XXIIII. Orati o ad laudem Dei
unguentum effusum super caput Domini. Solitudo requiritur orationi, unde dicitur: Sedete hic,
donec uadam illuc et orem. In monte orauit, ut oremus pro cęlestibus. -- -- In uilla orauit, ut orando humilitatem seruemus. Procidit in faciem suam orans. Non sicut
ego uolo, sed sicut tu. Vigilate et orate, ut non intretis in tentationem XXVI. Orauit tertio
eundem sermonem. Vigilate et orate. Vigilat qui bonum operatur et a fide nusquam discedit. Sic
orans exauditur XXVI.
Marulić, Marko (1450-1524) [1480], Repertorium, versio electronica (), Verborum 315700, Ed. Branimir Glavičić [genre: prosa oratio - loci communes] [word count] [marulmarrepert].
|
