Gučetić, Ivan (1451-1502) [1493], Panegyris Wladislao Hungarie et Boemie regi, principi invictissimo dicta, versio electronica (), Verborum 743, Ed. Fialová, Andelă Hejnic, Josef [genre: prosa oratio - oratio] [word count] [gotiusipanegyris].
In hunc itaque doctorum natum centum ora et totidem conferantur voces proiectis
veteris fabulositatis figmentis, in hunc facundus Helicon, vocales declinet
undas et Pieridum turba victura excitet ingenia. Huic gesta scribencium nocturne
inserviant cure nec de historie eternitate angantur, cum ab ipso scriptis suis
perennis exeat splendor. Hic Parrhasii vivat in tabulis, hic niveo spiret in
ebore Phidiaco expressus celo, hic gemmis Pyrgotelis incisus irradiet, hunc era
Lysippi conflata exprimant et candidum Praxitelis referat marmor. Et sic in te
hiis artibus illustrato duo maxime fulgebunt, dive rex, virtus et forme
dignitas, -- 166 -- quorum alterum te prestitit opportunum, 14v qui reipublice christiane laboranti succurreres,
alterum decentem, quo viso terrarum incole veluti mentibus sic et oculis morem
gerant.
Gučetić, Ivan (1451-1502) [1493], Panegyris Wladislao Hungarie et Boemie regi, principi invictissimo dicta, versio electronica (), Verborum 743, Ed. Fialová, Andelă Hejnic, Josef [genre: prosa oratio - oratio] [word count] [gotiusipanegyris].
|
