Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Onesiphorus Ephesius discipulos Christi suscipere solitus, sic ab apostolo
Paulo benedicitur, ut dubitandum non sit, quin hospitalitatis officiis
ęternę uitę pręmia -- 1-311 -- sibi compararit. Det, inquit,
misericordiam Dominus Onesiphori domui, quia sępe me refrigerauit, et
catenam meam non erubuit. Sed cum Romam uenisset, solicite me qu ę
siuit, et inuenit. Det illi Dominus inuenire misericordiam a Deo in illa
die. Et quanta Ephesi ministrauit mihi! O felix igitur Onesiphorus,
qui aliquando auditurus est optatissimam uocem illam uocantis Domini ac
dicentis: Veni, benedicte Patris mei, posside tibi regnum paratum a
constitutione mundi! Hospes enim eram, et collegisti me; in carcere
eram, et uenisti ad me. Amen dico tibi, quicquid fecisti uni de his
fratribus meis minimis, mihi fecisti.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|
