Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Hinc illud est, quod sanctus Iudocus non dubitarit eremi angustias pręponere
Britannię regno malueritque in deserto Christo seruire quam in patria
Britannis imperare. Inde fugitans ad Alzeium fluuium agri Pontini peruenit.
Et cum ibidem sedem sibi ponere uellet ab Hymeone, regionis tetrarcha,
prohibitus est. Sed neque ideo propositi poenitens, dum ad ulterioris
solitudinis loca pergit, ab eo ipso, a quo pulsus fuerat reuocatus rediit
atque etiam ope illius adiutus, in qua coeperat ripa, gurgustiolum compegit
et cum unico discipulo solitarius habitauit. Vis nosse, quantum in ea
solitudine manens profecerit? Pro terrena et caduco -- 1-358 -- regno,
quod contempserat, cęleste et ęternum accepit, quod concupierat.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|