Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Idem sanctus ita solerti studio lectitasse Scripturas perhibetur, ut interdum
neque propius astantes uiderit neque interpellantes audierit, sensibus
omnibus cum mente simul uni lectioni intentis. Hinc est, quod ad
confirmationem fidelium infideliumque confutationem tales nobis commentarios
reliquit, ut nihil in Ecclesia quicquam scrupuli sit, nihil nodi, quod non
explanatum in illis absolutumque inuenies. Declaratio sermonum eius
illuminat et intellectum dat paruulis. Et ipse uere scriba doctus in regno
cęlorum, proferens de thesauro suo noua et uetera.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|