Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Antidius, Turonensis episcopus, cacodęmonem lętum et gestientem uidens, quod
Zosimum, summum pontificem, septennio solicitatum tandem ad stuprum
committendum se impulisse diceret, haud cunctandum ratus illi pręcepit, uti
se eadem celeritate, qua uenerat, Romam perferret. Die altero pontificem
adiit relatisque, quę de -- 2-392 -- illo demon iactauerat ruborem ei
pauoremque iniecit et confitentem protinus ad poenitentiam
conuertit eodemque usus diei spacio ad Turonem rediit. Timuisset sese demoni
credere, nisi proximi charitas foras misisset timorem. Cuius quidem
charitatis merito effectum est, ut is, qui papam corruere fecerat, episcopo
obediret.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|