Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Darię uirginis intergritatem ab infidelibus in prostibulum tractę leo de
cauea fugiens atque illi adsistens tutatus est. Qui eam uitiandi animo adire
ausi fuerant, ipsos inuadens in primo statim limine strauit nihilque
pręterea mali intulit, ipsa uirgine sic iubente, ut essent, quos ad fidem
poenitentiamque conuerteret, non qui in erroris tenebris uitęque nequitia
disperirent. Parci igitur illis iussit, qui sibi erreptum uenerant rem
omnibus diuitiis atque etiam uita ipsa preciosiorem, uirginitatem. Neque
enim uirginitas illi ad beatitudinem consequendam satis fuisset, si
abfuisset pietas.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|