Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Paulus segregatus in Euangelium Dei cum collega suo Barnaba peragrant oppida
Iudeę in synagogis prędicantes. Inuidentibus uero Iudeis et ad conuitia
furenti rabie prorumpentbus dixerunt: Vobis oportebat primum
loqui uerbum Dei. Sed quoniam repellitis illud et indignos uos iudicatis
ęternę uitę, ecce conuertimur ad gentes. Relinquendi ergo sunt, qui
peruersa obstinatione durati a peccandi proposito diuelli nullo modo
possunt, ne, dum in sterili solo sementem iacimus, foecundę interim glebę
nullo subactę aratro fructu huberiore fraudentur. In summa, quicunque
Ecclesiam audire noluerit, sit tibi sicut ethnicus et publicanus. Nemo
saluatur inuitus.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|