Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Nunquam autem magis patet uanis cogitationibus mens nostra, quam cum ocio
corpus ipsum indulget. Et hoc quidem Antonii exemplo probare possumus. Qui
quondam solitudinis tedio affectus, cum dubius animi ęstuaret, clamare
coepit: »Salvari cupio, Domine, et ecce cogitationes meę mihi aduersantur.«
Mox, ubi de cęlla prodiit, conspexit hominem monachali habitu succinctum
nunc calathos texentem nunc ad orandum procumbentem. Et dum rem tacitus
miratur, ab eodem tandem audiuit: »Sic et tu age, Antoni! Sic enim agendo
saluaberis.« Cumque id loquentem statim non comparuisse animaduerteret,
angelum Dei fuisse intellexit. Ac deinde operum orationumque uices monitu
eius diligenter -- 2-464 -- seruans ad tantam perfectionem conscendit, ut
nemo illis temporibus uel abbatum vel monachorum anachoretarumque maiori
admirationi fuerit.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|
