Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Paulus apostolus castigat corpus suum et in seruitutem redigit, ne forte, cum
aliis prędicauerit, ipse reprobus inueniatur. Ad hęc angelus Sathanę
colaphizat eum, ne reuelationum magnitudine extollatur. Et, si illi, qui uas
electionis erat, in quo Spiritus Sanctus habitabat, non fuit satis
peregrinando prędicandoque fatigari et ubique sęuientibus persecutionis
procellis iactari atque concuti, sed ad domandos corporis census aculeosque
cupidinum retundendos uerberum quoque ictibus quati affligique oportuit,
quis tutum se putabit et non proprii corporis imperio se subditum iri
timebit, si in eo castigando non ęque solicitus fuerit?
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|