Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
Siquis autem ipsius Hieronymi in legendo scribendoque laborem consyderet,
dicet: Quomodo sic occupato animo ulla turpis cogitatio potuit irrepere.
Tum, si ad Eustochium uirginem scribenti ac confitenti crediderit (Memini
me, inquit, clamantem diem crebro iunxisse cum nocte nec prius a pectoris
cessasse uerberibus quam rediret Domino increpante tranquillitas), plane
intelliget etiam inter labores cogitationum tentationi esse locum, easque
cum labor nequit repellere, flagellis ac uerberibus excutiendas et semper
auxilium divinę miserationis implorandum. Neque enim ex nobis
sufficimus, ut Apostolus inquit, sed omnis sufficientia nostra ex Deo
est.
Marulić, Marko (1450-1524) [1496], De institutione bene vivendi per exempla sanctorum, versio electronica (, Split), Verborum 186963, Ed. Branimir Glavičić [genre: prosa oratio - tractatus] [word count] [marulmarinst].
|